تقليد الماركات ؟.. الثقه بالنفس

السلام عليكم
متى آخر مره طلعتي السوق ؟؟
شفتي اللي شفته
يا ساتر شيء مو طبيعي ابد وش هذا
غش عيني عينك
امشي بالممرات و اناظر شنطه قوتشي تقليد
شال بيربري تقليد
جزمه لويس فويتون تقليد
و هلم جره
وش ها الجشع و ش ها الغش
يا ناس مو لازم الكل يلبس ماركه
خلوا الماركات للي يقدر عليها و بس
يعني من جد شيء يرفع الضغط
و المشكله ان الكل يشتريها و مبسوطين انهم يلعبون على انفسهم قال إيش قال هذيك بألف و أنا أخذتها على 200 أو أي سعر المهم انها أرخص
طيب مين قال لك أصلا انك لازم تشترين شيء من ماركه كبيره عشان تصيرين كشخه ؟؟
انتي تدرين انك إذا شريتي من الماركات التقليد وش تسوين ؟؟
انتي اولا تلعبين على نفسك أدامك ما تطولين الماركه الأصليه فاعرفي ان الناس ماراح تصدق ان شنطتكاصليه
لأنه يبين الأصلي من التقليد من نوعية القماش من الخياطه من كل شيء

ثاني شيء انتي تشجعين التجار الطماعين اللي يلعبون عليناو يبيعونها برخيص من وجهة نظرك
وهي اصلا ما كلفتهم شيء يذكر
يعني الشنطه اللي كلفتهم 30 ريال يبيعونها لك 300 شفتي وشلون

ثالث شيء انتي تشجعين العالم كله و مو بس السوق عندنا على الغش التجاري اللي يجر شيء ورى شيء
الحين شنط و ملابس و مواعين و بكره أكل و شوكولاه و هلم جره

بعدين يا اخواتي فيه ماركات مرتبه و حلوه و أسعارها معقوله ليش ننزل انفسنا للتقليد و نلعب على انفسنا بعد
معليش يا بنات قسيت عليكم بس من قهري
اتمنى اننا نثق بأنفسنا أكثر و أكثر و نشتري شيء على قد حالنا و لا نروح نقلد فلانه و علنتانه اللي عطاهم ربنا
صدقوني يا بنات كل ما مديتي رجولك على قد حالك (( اتكلم عن الصرف ))
كل مازادت ثقتك بنفسك و كل ما قدروك الناس أكثر

ليش ما نسأل انفسنا قبل ما نشتري شيء احنا ليش بنشتريه
بودي ان الفكره كانت واضحه سلاااااااااام