مراحب
مين تقول لي وش اكلتوا على الغداء اليوم؟؟
أكيد رز صح و إن ما اكلتوه اليوم فهو امس او بكره :icon26:
اتذكر يوم كنت بالابتدائي انا و اختي لما نرجع من المدرسة نخمن الغداء ( وش تتوقعين الغداء اليوم رز و ايش:evil_lol: )
يعني سيد المائده موجود موجود :)
[IMG]http://www.katakeet.com/SiteData/cooking/10111143735.jpg[/IMG]
ميزة الرز انه يكفي الجميع و يناسب كل الأعمار
من ابو سنه لييييييييين ابو مية سنه
ورخيص طبعا ايام زمان الحين كل شيء:sad:
وبرضه فيك تسوينه بمليون طريقه كل وحده لها طعم غير صح
طيب خلونا نشوف مع بعض وشو رزكم ؟؟
تستخدمون الارز الأبيض :wy:؟
الارز الابيض فيه بس نشويات يعني ما يفيدك كثير ليييش ؟
لأنهم الله يجزاهم خير يقومون يقشرون حبات الارز البنيه اللي وش ملحه مليانه الياف و فيتامينات و معادن
يقومون يشيلون كــــــللللل هذي الاشياء ويخلون لنا النشا وهذا طبعا كان شيء يدل على الغناء و الرفاهيه وطبعا ما كانوا عارفين عاقبتها على الأجيال الجاية ( سمنه مع فقر في المغذيات ) يعني بالونات هواء لا اكثر
طيب عرفنا وش رزكم الحين خلونا نعرف كيف تتطبخون رزكم ؟
اول شيء غسلتي الرز ممتاز( صار نظيف تمام )
وبعدين نقعتيه طيب ماعليه ( شفتي يوم قلنا انهم يقشرون الارز و يشيلون كل شيء مفيد فيه إيه هنا يكون باقي شوي من الفيتامينات على غلاف الارز) هذي الله يسلمك تروح لما ننقعها :sad:
طيب بعد النقع تروحين تحطينه بمويه اللحم اووووف لا لا اصبري شوي :mad:
وين موية النقع ؟؟ تكبينها !!! مو قلنا فيها فيتامينات شويه، طيب ليش هاتيها استخدميها بالطبخ ،خلاص اتفقنا معد نكب موية النقع طيب
وموية اللحم هذي تدرين وش هي من لحية يوم انك كل شوي كابة رزك فيها
؟!!
هذي لحية موب غانمة وابعدي عن الشر و غني له
تبين مرقة لحم غانمة
اقول لك الحين
طبختي لحمتك خلصتي طيب صيري سنعه واطبخيها بدري شوي هاه ايه بدري شوي
شيلي اللحمه او الدجاج ايا يكن و حطي المرق بالثلاجه
بتشوفين قد ايش كبر الجريمه اللي تسوينها كل يوم :251:
المهم شفتي طبقة الدهن هذي شيليها عن بكرة ابيها
وخوذي المويه السليمه و استخدميها في طبخك
زين خلاص مو تقولين ما يصلح يصلح ونص انت تعودي و ترتاحين
طيب خلصنا لا باقي شوي كملي رزك عادي بس اسمعي الله يجزاك خير
مااختلفنا ان الرز هو اكلة العائلة كلهم صح و قلنا ان الرز الابيض مافيه مغذيات تسوى
طيب تعالي معي نرفع من قيمته الغذائية ونخلي فيه مغذيات تسوى مو عشان تتغذون زين
تعرفين العدس؟
ايه هذك ماغيره الأصفر و الاورنج خوذي اي نوع منه هو اصلا ماله طعم اضيفي ملعقه او ثنتين للارز حقكم إيه اضيفي العدس للارز كل يوم ليش لأن العدس مصدر غني بالبروتين و المعادن مو زي الأرز الفاضي
وراك عجله ما بعد خلصت
:) :)
تعرفين الأرز البني صح إذا ما تعرفينه فهو هذا هو
[IMG]https://blogger.googleusercontent.com/img/b/R29vZ2xl/AVvXsEgbbxjZdII5vwPE9cp0aAePEAWfkmaoeU3HrVnS2P8wh7dtCwAQ86U00ixz2A9k7fCVmKZz1tcP01GQziy5uCtofPK1B2a9NATjsth0Uh3O8-da9qBkGEPUphXpoYvu3oTz7uXOevP9JduJ/s1600/3.jpg[/IMG]
تلاقينه في السوبرماركت ومحلات الأغذية الصحية
انا ما اقول لك سوي رزكم كله بني لأن نكهته قويه شوي ممكن ما يصلح لكل الطبخات
بس سويه زي العدس ملعقه ملقعتين مع الرز حقكم كل يوم، اطبخيه لحاله لأنه يحتاج 45 دقيقة للنضج و اضيفيه فوق الارز العادي او باي طريقه تعجبك
اهم شيء انك تحصلين فائده من غداكم الرزي
فوتكو بعافيه
إيمان ابا الخيل
ليست هناك تعليقات:
إرسال تعليق